News And Events

စီးပွားရေးလုပ်ငန်းတစ်ခု ရေရှည်တည်တံ့ခိုင်မြဲပြီး ခေတ်စနစ်နှင့်အညီ တိုးတက်စေရန်အတွက် အခြေခံအကျဆုံးဖြစ်သော ကောင်းမွန်သည့် စီမံအုပ်ချုပ်မှုစနစ် (Corporate Governance) ကို ဖော်ဆောင်နိုင်ရန် ရည်ရွယ်၍ PIU College နှင့် UMBEEA တို့ ပူးပေါင်းကျင်းပသည့် “Corporate Governance Free Seminar & Panel Discussion 2026” ကို ၂၀၂၆ ခုနှစ်၊ မတ်လ (၁) ရက်နေ့တွင် ရန်ကုန်မြို့ရှိ UMFCCI (Mingalar Hall) ၌ ကျင်းပခဲ့ရာ မြန်မာ့ခရီးသွားဘဏ် (MTB Bank) မှ Main Sponsor အဖြစ် ပါဝင်ပံ့ပိုးကူညီ အားဖြည့်ပေးခဲ့ပါသည်။ အဆိုပါအခမ်းအနားတွင် Corporate Governance ဆိုင်ရာ အသိပညာရပ်များကို ဆရာကြီး ပါမောက္ခ ဒေါက်တာသောင်းဌေး (Honorable Professor - PIU College) မှ ဦးဆောင် ဟောပြောပို့ချပေးခဲ့ပါသည်။ ဆက်လက်၍ “Corporate Governance Culture For Business “ ခေါင်းစဉ်ဖြင့် Panel Discussion အစီအစဉ်တွင် စီးပွားရေးနယ်ပယ်အသီးသီးမှ ဆရာများဖြစ်ကြသည့် ဦးအောင်နိုင်ဦး (Retired Union Minister)၊ မြန်မာ့ခရီးသွားဘဏ်၏ CEO ဒေါက်တာဝင်းလွင်၊ U9 ၏ CEO Ms. Caroline Yin Yin Htay နှင့် Group CEO - Pun Hlaing Hospitals ဒေါက်တာဇော်ဝင်းစန္ဒီတို့မှ Panelists များအဖြစ် ပါဝင်တက်ရောက် ဆွေးနွေးခဲ့ပြီး ဦးကျော်ဒေဝ (President - UMBEEA) မှ Moderator အဖြစ် ဆောင်ရွက်ကာ စီးပွားရေးလုပ်ငန်းများအတွင်း ကောင်းမွန်မှန်ကန်သော အုပ်ချုပ်မှုစနစ်များကို စနစ်တကျ တည်ဆောက်ပုံများ၊ စိန်ခေါ်မှုများနှင့် အနာဂတ်အခွင့်အလမ်းများကို ကဏ္ဍစုံမှ ရင်းနှီးပွင့်လင်းစွာ ဆွေးနွေး ဖလှယ်ခဲ့ကြပါသည်။ MTB Bank အနေဖြင့် ယခုကဲ့သို့ စီးပွားရေးနှင့် ပညာရေးကဏ္ဍကို ပေါင်းကူးပေးသည့် ဆွေးနွေးပွဲများတွင် တက်ကြွစွာ ပါဝင်ခြင်းဖြင့် ပိုမိုပွင့်လင်းမြင်သာ၍ မှန်ကန်စနစ်ကျသော လုပ်ငန်းခွင်ပတ်ဝန်းကျင်ကောင်းများ ပေါ်ထွန်းလာစေရန် ရည်ရွယ်သည့်အပြင်၊ မိမိတို့၏ စီးပွားရေးလုပ်ငန်းများကို စနစ်တကျ ချဲ့ထွင်လိုသော လုပ်ငန်းရှင်များအတွက်လည်း ခိုင်မာစိတ်ချရသော ဘဏ်လုပ်ငန်းဝန်ဆောင်မှုများဖြင့် အမြဲအသင့်ရှိနေပါကြောင်း သတင်းကောင်းပါးအပ်ပါသည်။ 𝐂𝐫𝐞𝐚𝐭𝐞 𝐘𝐨𝐮𝐫 𝐖𝐨𝐫𝐥𝐝 𝐖𝐢𝐭𝐡 𝐌𝐓𝐁 သင့်အနာဂတ်ဖန်တီးဖို့ MTB နဲ့လက်တွဲစို့

ဆက်လက်ဖတ်ရှု့ရန်

ယနေ့ မြန်မာနိုင်ငံမှာ Scammers တွေရဲ့ နည်းလမ်းတွေက နေ့စဉ်နဲ့အမျှ ပိုမိုနက်နဲလာပြီး မိဘပြည်သူတွေရဲ့ ချွေးနည်းစာ ငွေကြေးတွေဟာ Online Scam တွေ၊ Fake Investments တွေကြောင့် ဆုံးရှုံးနေရတာ တကယ့်ကို စိုးရိမ်စရာ အခြေအနေတစ်ခုဖြစ်နေပါတယ်။ ဒီနေ့မှာတော့ Myanma Tourism Bank (MTB) မှာ ကျင်းပခဲ့တဲ့ “ဝေးဝေးရှောင်” (Way Way Shaung) – Scam Prevention Ambassadors Program ရဲ့ Certificate Awarding Ceremony ဟာ ကျွန်တော်တို့အတွက်တော့ ဂုဏ်ယူစရာ ခြေလှမ်းတစ်ခုအဖြစ် မှတ်ကျောက်တင်နိုင်ခဲ့ပါတယ်။ ဘဏ်တစ်ခုရဲ့ တာဝန်ဟာ ငွေကြေးဝန်ဆောင်မှုပေးရုံတင် မဟုတ်ဘဲ “Trust” (ယုံကြည်မှု) ကို ကာကွယ်စောင့်ရှောက်ဖို့လည်း တာဝန်ရှိပါတယ်။ သို့ပါသောကြောင့် ဒီနေ့ သင်တန်းဆင်းခဲ့ကြတဲ့ ဘဏ်ရဲ့ ဝန်ထမ်း Scam Prevention Ambassadors တွေဟာ ရိုးရိုးဝန်ထမ်းတွေမဟုတ်တော့ဘဲ- လိမ်လည်မှုနည်းလမ်းသစ်တွေကို ကြိုတင်သိမြင်နိုင်မယ့် Frontline Defenders တွေ၊ သုံးစွဲသူတွေကို အချိန်မီ သတိပေးနိုင်မယ့် Knowledge Sharers တွေ ဖြစ်လာကြပါပြီ။ Nation Building မှာ Digital Literacy က အလွန်အရေးကြီးလာပြီဖြစ်သောကြောင့် မိဘပြည်သူတွေရဲ့ ချွေးနည်းစာ ငွေကြေးများ မဆုံးရှုံးစေဖို့အတွက် “Secure Finance, Informed Community” ဆိုတဲ့ မူဝါဒအတိုင်း MTB Bank မှ ဆက်လက်ပြီး အသိပညာပေးမှုတွေ လုပ်ဆောင်သွားမှာပါ။ ယနေ့ အောင်မြင်စွာ သင်တန်းဆင်းခဲ့တဲ့ Scam Prevention Ambassadors တွေအားလုံးအတွက် အထူးဂုဏ်ယူပါတယ်။ Knowledge Shared = Loss Prevented. သင်ချစ်ခင်ရတဲ့ မိသားစုနဲ့ မိတ်ဆွေတွေကိုလည်း Scam အန္တရာယ်တွေအကြောင်း အမြဲသတိပေး၊ မျှဝေပေးကြဖို့ MTB မှ တိုက်တွန်းချင်ပါတယ်။ Let’s stay alert. Let’s protect our people. . Create Your World With MTB သင့်အနာဂတ်ဖန်တီးဖို့ MTB နဲ့ လက်တွဲစို့။

ဆက်လက်ဖတ်ရှု့ရန်

မြန်မာ့ခရီးသွားဘဏ် (MTB) နှင့် ပထမအမျိုးသားအာမခံ - တို့အကြား နားလည်မှုစာချွန်လွှာ (MoU) လက်မှတ်ရေးထိုးပွဲကို ၂၀၂၆ ခုနှစ်၊ ဖေဖော်ဝါရီလ (၂၆) ရက်နေ့တွင် ဆူးလေဘုရားလမ်းမပေါ်ရှိ မြန်မာ့ခရီးသွားဘဏ်ရုံးချုပ်၌ အောင်မြင်စွာ ကျင်းပပြုလုပ်ခဲ့ပါတယ်။ ဒီပူးပေါင်းဆောင်ရွက်မှုဟာ မိတ်ဟောင်းမိတ်သစ်များ၏ လူမှုဘဝနှင့် စီးပွားရေးလုပ်ငန်းများအတွက် လိုအပ်သော အထွေထွေအာမခံဝန်ဆောင်မှုများကို 𝐌𝐓𝐁 ဘဏ်ခွဲများတွင် အဆင်ပြေချောမွေ့စွာ ရယူနိုင်ရန်၊ အာမခံပရီမီယံကြေး ပေးသွင်းခြင်းနှင့် သက်တမ်းတိုးခြင်းဆိုင်ရာ ကိစ္စရပ်များကိုလည်း ဘဏ်စနစ်ဖြင့် တိကျမြန်ဆန်စွာ ဆောင်ရွက်နိုင်ရန်နှင့် နှစ်ဦးနှစ်ဖက် အပြန်အလှန် အကျိုးဖြစ်ထွန်းစေမည့် လုပ်ငန်းစဉ်များကို ပူးပေါင်းဆောင်ရွက်ရန် ရည်ရွယ်၍ ပိုမိုတောက်ပတဲ့ အနာဂတ်ကို တည်ဆောက်သွားမှာဖြစ်ပါတယ်။ အဆိုပါအခမ်းအနားတွင် “မြန်မာ့ခရီးသွားဘဏ်” ၏ Chief Executive Officer ဦးဝင်းလွင် နှင့် “FNI (General)” ၏ Chief Executive Officer Mr. Indren Stephen Naidoo တို့မှ သဘောတူညီမှု လက်မှတ်ရေးထိုးခဲ့ကြပြီး "မြန်မာ့ခရီးသွားဘဏ်" ၏ Chief Credit Officer ဦးကျော်သူရဝင်းနှင့် FNI (General) ၏ Deputy Managing Director ဦးအောင်ကိုကိုတင်ဝင်းတို့မှ အသိသက်သေများအဖြစ် အောင်မြင်စွာ လက်မှတ်ရေးထိုး ဆောင်ရွက်ခဲ့ကြောင်း သတင်းကောင်းအဖြစ် မျှဝေလိုက်ပါသည်။ 𝐂𝐫𝐞𝐚𝐭𝐞 𝐘𝐨𝐮𝐫 𝐖𝐨𝐫𝐥𝐝 𝐖𝐢𝐭𝐡 𝐌𝐓𝐁 သင့်အနာဂတ်ဖန်တီးဖို့ MTB နဲ့လက်တွဲစို့

ဆက်လက်ဖတ်ရှု့ရန်

ရန်ကုန်တိုင်းဒေသကြီး ယာဉ်အန္တရာယ်၊ လမ်းအန္တရာယ် ကင်းရှင်းရေးကောင်စီ ယာဉ်လမ်းအန္တရာယ်ကင်းရှင်းရေး ဘက်စုံအထောက်အကူပြုအဖွဲ့ (MORS)၊ မြန်မာ့မော်တော်ယာဉ်ထုတ်လုပ်ရေးနှင့် ဖြန့်ဖြူးရောင်းချရေး လုပ်ငန်းရှင်များအသင်း (MAMDA)၊ ရန်ကုန်တိုင်းဒေသကြီး မော်တော်ယာဉ် ထုတ်လုပ်ရေးနှင့် ဖြန့်ဖြူးရောင်းချရေးလုပ်ငန်းရှင်များအသင်း (YRAMDA)၊ မြန်မာနိုင်ငံ မော်တော်ယာဉ်အပိုပစ္စည်းလုပ်ငန်းရှင်များအသင်း (MYACSAA) တို့ ပူးပေါင်း၍ "Myanmar’s Cars & Spare Parts Biggest Expo 2026" ပွဲကြီးအား ၂၀၂၆ ခုနှစ်၊ ဖေဖော်ဝါရီလ (၂၀) ရက်၊ သောကြာနေ့ မှ (၂၂) ရက်၊ တနင်္ဂနွေနေ့အထိ (၃) ရက်တိုင်တိုင် ကျင်းပသွားမည်ဖြစ်ရာ မြန်မာ့ခရီးသွားဘဏ် (MTB) မှလည်း အတူတကွ ပါဝင်ကျင်းပသွားမည်ဖြစ်ပါသည်။ အဆိုပါပွဲအခမ်းအနားကို ရန်ကုန်တိုင်းဒေသကြီး အစိုးရအဖွဲ့ ဝန်ကြီးချုပ် ဦးစိုးသိန်းမှ အဖွင့်အမှာစကားပြောကြား၍ တာဝန်ရှိသူများနှင့်အတူ ဖဲကြိုးဖြတ်ဖွင့်လှစ်ခဲ့ပါသည်။ မြန်မာနိုင်ငံရှိ Brand New Cars, EV Cars, Used Cars နှင့် Spare Parts များကို တစ်နေရာထဲတွင် အစုံအလင်ရောင်းချပြသသွားမယ့် “Myanmar’s Cars & Spare Parts Biggest Expo 2026” ပွဲကြီးမှာ မြန်မာ့ခရီးသွားဘဏ် (MTB) မှလည်း ဘဏ်လုပ်ငန်းဝန်ဆောင်မှုများနှင့်အတူ MTB Hire Purchase ဝန်ဆောင်မှုများ၊ အရစ်ကျဝယ်ယူမှုနှင့်ပတ်သတ်တဲ့ လျှောက်ထားပုံ အသေးစိတ်အချက်အလက်များကိုလည်း အကြံပြုရှင်းလင်းပေးခြင်း ဝန်ဆောင်မှုများကိုပါ ပေးအပ်ခဲ့တဲ့ ပုံရိပ်မှတ်တမ်းများကို မှတ်တမ်းပြုတင်ပြအပ်ပါသည်။ 🤗 𝐂𝐫𝐞𝐚𝐭𝐞 𝐘𝐨𝐮𝐫 𝐖𝐨𝐫𝐥𝐝 𝐖𝐢𝐭𝐡 𝐌𝐓𝐁 သင့်အနာဂတ်ဖန်တီးဖို့ 𝐌𝐓𝐁 နဲ့လက်တွဲစို့

ဆက်လက်ဖတ်ရှု့ရန်

၂၀၂၆ ခုနှစ်၊ ဖေဖော်ဝါရီလ (၂၁) ရက် စနေနေ့တွင် Myanma Tourism Bank (MTB) သည် လူထုအကျိုးပြုလုပ်ငန်းစဉ် (CSR) အစီအစဉ်တစ်ရပ်အဖြစ် ရန်ကုန်စိတ်ကျန်းမာရေးဆေးရုံကြီး သို့ သွားရောက်လှူဒါန်းကူညီမှုများ ဆောင်ရွက်ခဲ့ပါသည်။ ဤလူမှုအကျိုးပြုအစီအစဉ်တွင် MTB Bank ၏ အကြီးအကဲများ တက်ရောက်ပါဝင်ခဲ့ကြပြီး ဆေးရုံအုပ်ချုပ်ရေးမှူးနှင့် တာဝန်ရှိဆရာဝန်များမှ ဆေးရုံ၏ သမိုင်းကြောင်း၊ လက်ရှိကုသပေးနေသည့် လူနာအခြေအနေများ၊ စိတ်ကျန်းမာရေးပြန်လည်ထူထောင်ရေးအစီအစဉ်များနှင့် ရင်ဆိုင်နေရသည့် လိုအပ်ချက်များကို အသေးစိတ်ရှင်းလင်းပြောကြားခဲ့ကြပါသည်။ MTB Bank အနေဖြင့်လည်း အနာဂတ်တွင် ပိုမိုထိရောက်သောပူးပေါင်းဆောင်ရွက်မှုများ ပြုလုပ်နိုင်ရန် ဆွေးနွေးညှိနှိုင်းခဲ့ကြပါသည်။ ထို့အပြင် MTB Bank ၏ အကြီးအကဲများသည် လူနာများနှင့် တွေ့ဆုံကာ နွေးထွေးစွာ အားပေးစကားများ ပြောကြားခဲ့ကြပါသည်။ ထိုနွေးထွေးသည့် ဆက်ဆံရေးနှင့် စိတ်အားပေးမှုများသည် လူနာများအတွက် စိတ်ဓာတ်မြှင့်တင်ပေးနိုင်သည့် အဖိုးတန်အခိုက်အတန့်များ ဖြစ်ခဲ့ပါသည်။ ထူးခြားစွာ၊ ဆေးရုံရှိ လူနာများမှ ကိုယ်တိုင်ဖန်တီးထုတ်လုပ်ထားသော လက်မှုပညာထုတ်ကုန်များကိုလည်း MTB Bank အဖွဲ့သားများမှ ဝယ်ယူအားပေးခဲ့ပါသည်။ ချည်ထိုးလက်ရာများ၊ လက်လုပ်အလှပစ္စည်းများ၊ အသုံးဝင်လက်မှုပစ္စည်းများ စသည်တို့ကို ဝယ်ယူခြင်းအားဖြင့် လူနာများ၏ အနုပညာစွမ်းရည်နှင့် တီထွင်ဖန်တီးနိုင်စွမ်းကို လက်တွေ့အသိအမှတ်ပြုခဲ့ပါသည်။ ထိုအားပေးဝယ်ယူမှုသည် လူနာများအတွက် ကိုယ့်ကိုယ်ကိုယ်တန်ဖိုးရှိမှုကို ခံစားစေပြီး ပြန်လည်ထူထောင်ရေးလမ်းကြောင်းတွင် ယုံကြည်မှုတိုးတက်စေသော အရေးပါသည့် အထောက်အပံ့တစ်ရပ် ဖြစ်ခဲ့ပါသည်။ မမြင်ရသော စိတ်အနာတရများသည် တစ်ခါတစ်ရံ အလွန်နက်ရှိုင်းလွန်းလှပါသည်။ သို့သော် နားလည်ပေးမှု၊ စိတ်ရှည်သဘောထား၊ နွေးထွေးသည့် အပြုံးနှင့် ကူညီဖေးမတဲ့ လက်တစ်စုံ တစ်ခုပင် စိတ်အင်အားပြန်လည်တည်ဆောက်ရာတွင် အလွန်အရေးကြီးပါသည်။ MTB Bank အနေဖြင့် စီးပွားရေးဖွံ့ဖြိုးတိုးတက်မှုကိုသာမက လူမှုအသိုင်းအဝိုင်း၏ ကောင်းကျိုးတိုးတက်မှုကိုပါ အလေးထားကာ လူထုအကျိုးပြုလုပ်ငန်းစဉ်များတွင် ဆက်လက်ပါဝင်ကူညီပံပိုးသွားမည် ဖြစ်ပါသည်။ ထိုနေ့တွင် မျှဝေခံစားခဲ့ရသည့် နွေးထွေးမှု၊ အပြုံးများနှင့် မျှော်လင့်ချက်အလင်းရောင်များကို မှတ်တမ်းတင်ပုံရိပ်များကို ပြန်လည်မျှဝေတင်ပြလိုက်ပါသည်။ 🤍 𝐂𝐫𝐞𝐚𝐭𝐞 𝐘𝐨𝐮𝐫 𝐖𝐨𝐫𝐥𝐝 𝐖𝐢𝐭𝐡 𝐌𝐓𝐁 သင့်အနာဂတ်ဖန်တီးဖို့ MTB နဲ့ လက်တွဲစို့။

ဆက်လက်ဖတ်ရှု့ရန်

မြန်မာ့ဘဏ်လုပ်ငန်းအတွက် သမိုင်းဝင်မှတ်တိုင်တစ်ခု မြန်မာ့ခရီးသွားဘဏ် (𝐌𝐓𝐁 𝐁𝐚𝐧𝐤) ဟာ ၂၀၂၆-၂၀၂၇ ခုနှစ်အတွက် 𝐀𝐬𝐢𝐚𝐧 𝐁𝐚𝐧𝐤𝐞𝐫𝐬 𝐀𝐬𝐬𝐨𝐜𝐢𝐚𝐭𝐢𝐨𝐧 (𝐀𝐁𝐀) ရဲ့ ဒါရိုက်တာဘုတ်အဖွဲ့ဝင်အဖြစ် ရွေးချယ်တင်မြှောက်ခံရကြောင်း ဂုဏ်ယူဝမ်းမြောက်စွာဖြင့် သတင်းကောင်းပါးအပ်ပါသည်။ ဒါဟာ ၁၉၈၁ ခုနှစ်ကတည်းက စတင်တည်ထောင်ခဲ့တဲ့ 𝐀𝐁𝐀 အဖွဲ့ကြီးမှာ မြန်မာနိုင်ငံက ပထမဆုံးအကြိမ်အဖြစ် ကိုယ်စားပြုပါဝင်ခွင့်ရရှိခဲ့တာပဲဖြစ်ပါတယ်။ (ဆက်ရန်…)

ဆက်လက်ဖတ်ရှု့ရန်