News And Events

စီးပွားရေးလုပ်ငန်းများ ပိုမိုခိုင်မာအားကောင်းစေဖို့နဲ့ Business Community တစ်ခုလုံး ရေရှည်တိုးတက်ဖို့ဆိုတာ ခိုင်မာတဲ့ Partnerships တွေပေါ်မှာ အများကြီး မူတည်နေတာမို့ Lotte Hotel Yangon ၌ အောင်မြင်စွာ ကျင်းပခဲ့သော Myanmar Business Executives Association - MBE ရဲ့ 18th Annual General Meeting တွင် Myanma Tourism Bank (MTB) အနေဖြင့် Diamond Contribution Partner အဖြစ် ထပ်မံပါဝင်ပံ့ပိုးခွင့်ရတဲ့အတွက် များစွာဂုဏ်ယူဝမ်းမြောက်မိပါတယ်။ မြန်မာ့ခရီးသွားဘဏ် (MTB)သည် ငွေကြေးဆိုင်ရာဝန်ဆောင်မှုများကို ပေးအပ်ရုံသာမက စီးပွားရေးလုပ်ငန်းရှင်တွေကြား Networking ပိုမိုအားကောင်းလာစေဖို့၊ Business Leaders နဲ့ Professionals တွေကြား အမြင်သစ်တွေ ဖလှယ်နိုင်ဖို့နဲ့ Sustainable Business Growth ကို အတူတကွ တည်ဆောက်သွားဖို့ အမြဲဦးတည်လျက်ရှိပါသည်။ ထိုပွဲ၌ တွေ့ဆုံခွင့်ရခဲ့သော မိတ်ဟောင်း၊ မိတ်သစ် Business Executives များအားလုံးနှင့် ပွဲအောင်မြင်စွာ ဖြစ်မြောက်အောင် စီစဉ်ပေးခဲ့ကြတဲ့ MBE မှ တာဝန်ရှိသူများအားလုံးကိုလည်း အထူးကျေးဇူးတင်ရှိပါတယ်။  

ဆက်လက်ဖတ်ရှု့ရန်

မြန်မာနိုင်ငံ၏ ဟိုတယ်နှင့် ခရီးသွားလုပ်ငန်းကဏ္ဍ ပိုမိုဖွံ့ဖြိုးတိုးတက်လာစေရန်နှင့် လုပ်ငန်းရှင်များအကြား ပိုမိုကောင်းမွန်သော ချိတ်ဆက်မှုများ ဖန်တီးနိုင်ရန် ရည်ရွယ်ကျင်းပသည့် မြန်မာနိုင်ငံဟိုတယ်ဆိုင်ရာလုပ်ငန်းရှင်များအသင်း (ရန်ကုန်ဇုန်) ၏ 7th Members’ Gala Dinner တွင် မြန်မာ့ခရီးသွားဘဏ် (MTB Bank) မှ Diamond Sponsor အဖြစ် ပါဝင်အားဖြည့်ပေးခဲ့ပါသည်။ အောက်တိုဘာလ ၂ ရက်နေ့တွင် Novotel Yangon Max ၌ ကျင်းပခဲ့သည့် အဆိုပါ မိတ်ဆုံစားပွဲတွင် ဟိုတယ်နှင့် ခရီးသွားလုပ်ငန်းကဏ္ဍမှ လုပ်ငန်းရှင်များ၊ မိတ်ဖက်များနှင့် သက်ဆိုင်သူများ စုစည်းတွေ့ဆုံခဲ့ကြပြီး ၂၀၂၆ hotel excellence award ချီးမြှင့်ခြင်း၊ လုပ်ငန်းအတွေ့အကြုံများ၊ အမြင်များနှင့် အခွင့်အလမ်းများကို အပြန်အလှန် အလွတ်သဘော ဖလှယ်ခွင့်ရခဲ့ကြသည့် အပြင် MTB ဘဏ်အကြောင်း မိတ်ဆက်ရှင်းလင်းပြောကြားချင်းများကို ပြုလုပ်ခဲ့ကြပါသည်။ MTB Bank အနေဖြင့် ခရီးသွားလုပ်ငန်းကဏ္ဍနှင့် နီးကပ်စွာ ဆက်နွယ်နေသည့် ဘဏ်တစ်ခုအဖြစ် ဟိုတယ်နှင့် ခရီးသွားလုပ်ငန်းရှင်များအတွက် လိုအပ်သည့် ဘဏ္ဍာရေးဝန်ဆောင်မှုများ ပံ့ပိုးပေးလျက်ရှိသည့်အပြင် လုပ်ငန်းကဏ္ဍအတွင်း ချိတ်ဆက်မှုနှင့် ပူးပေါင်းဆောင်ရွက်မှုများ ပိုမိုအားကောင်းလာစေရန် ရည်ရွယ်သည့် အစီအစဉ်များတွင်လည်း ပါဝင်အားဖြည့်လျက်ရှိပါသည်။ ယခုကဲ့သို့ လုပ်ငန်းကဏ္ဍအတွင်းရှိ မိတ်ဖက်များနှင့် တွေ့ဆုံခွင့်ရခြင်းသည် အတွေ့အကြုံများနှင့် အမြင်များကို ဖလှယ်နိုင်သည့်အပြင် ဟိုတယ်နှင့် ခရီးသွားကဏ္ဍ၏ အနာဂတ်ဖွံ့ဖြိုးတိုးတက်ရေးအတွက် ပူးပေါင်းဆောင်ရွက်နိုင်မည့် အခွင့်အလမ်းများလည်း ဖြစ်ပါသည်။ မြန်မာ့ခရီးသွားကဏ္ဍ ဖွံ့ဖြိုးတိုးတက် လာသည်နှင့်အမျှ လုပ်ငန်းရှင်များနှင့်အတူ လက်တွဲပြီး အခွင့်အလမ်းများကို ဖန်တီးပေးနိုင်ရန် MTB Bank မှ ဆက်လက်ပံ့ပိုးသွားမည် ဖြစ်ပါသည်။

ဆက်လက်ဖတ်ရှု့ရန်

မြန်မာ့ခရီးသွားဘဏ် (MTB Bank) အနေဖြင့် ဒစ်ဂျစ်တယ်ငွေပေးချေမှုစနစ် ဖွံ့ဖြိုးတိုးတက်ရေးနှင့် Cashless Payment အသုံးပြုမှု ပိုမိုကျယ်ပြန့်လာစေရန် ရည်ရွယ်၍ MTB Pay အသုံးပြု၍ MMQR ဖြင့် ငွေပေးချေနိုင်မည့်ဝန်ဆောင်မှုမိတ်ဆက်ပွဲ အခမ်းအနားကို ၂၀၂၆ ခုနှစ်၊ အောက်တိုဘာလ (၁) ရက်နေ့၊ ရန်ကုန်မြို့၊ ဆူးလေရှိ MTB Head Office Functional Hall တွင် ကျင်းပပြုလုပ်ခဲ့ပါသည်။ အဆိုပါအခမ်းအနားတွင် MTB Bank ၏ MTB Pay အသုံးပြု၍ MMQR ဖြင့် ငွေပေးချေနိုင်မည့် ဝန်ဆောင်မှုနှင့် ပတ်သက်သည့် အချက်အလက်များ၊ ဒစ်ဂျစ်တယ်ငွေပေးချေမှုစနစ်၏ အရေးပါမှုများနှင့် သုံးစွဲသူများအတွက် ပိုမိုလွယ်ကူအဆင်ပြေသော ငွေပေးချေမှုအတွေ့အကြုံများ ဖန်တီးပေးနိုင်မည့် အခွင့်အလမ်းများကို MTB bank ၏ BOD အဖွဲ့ဝင်များ၊ MTB Bank CEO ဦးဝင်လွင်၊ Bards Limited ၏ CEO တို့မှလည်း ဝမ်းမြောက် အမှာစကားများ ပြောကြားပေးခဲ့ပြီး Digital Banking ဌာန၏ ဦးလွမ်းမှလည်း MTB Pay တွင် MMQR အလုပ်လုပ်ပုံနှင့်အသုံးပြုပုံများကို ရှင်းလင်းပြောကြားခဲ့ ကြပါသည်။ MTB Bank အနေဖြင့် ခေတ်မီဒစ်ဂျစ်တယ်နည်းပညာများကို အသုံးချ၍ သုံးစွဲသူများ၏ နေ့စဉ်ဘဏ်လုပ်ငန်းလိုအပ်ချက်များကို ပိုမိုလွယ်ကူအဆင်ပြေစေရန် ဆန်းသစ်သော ဘဏ်ဝန်ဆောင်မှုများကို ဆက်လက်ဖော်ဆောင်သွားမည်ဖြစ်ပါသည်။

ဆက်လက်ဖတ်ရှု့ရန်

မြန်မာ့ခရီးသွားဘဏ် (Myanma Tourism Bank – MTB) အနေဖြင့် “Tourism” ဟူသော အမည်နာမနှင့်အညီ မြန်မာနိုင်ငံ၏ ခရီးသွားကဏ္ဍ ဖွံ့ဖြိုးတိုးတက်ရေးအတွက် အစဉ်တစိုက် ပံ့ပိုးကူညီလျက်ရှိပါသည်။ ခရီးသွားလုပ်ငန်းသည် ဟိုတယ်နှင့် ခရီးသွားဝန်ဆောင်မှုလုပ်ငန်းများသာမက သယ်ယူပို့ဆောင်ရေး၊ MSMEs လုပ်ငန်းများ၊ ဒေသတွင်းစီးပွားရေးလုပ်ငန်းများ၊ လက်မှုပညာနှင့် အခြားဆက်စပ်ကဏ္ဍများစွာကို ချိတ်ဆက်ပေးနေသည့် အရေးပါသော စီးပွားရေးကဏ္ဍတစ်ရပ် ဖြစ်ပါသည်။ ထိုသို့ အရေးပါသော ခရီးသွားကဏ္ဍ ပိုမိုဖွံ့ဖြိုးတိုးတက်လာစေရန် ရည်ရွယ်၍ မြန်မာ့ခရီးသွားဘဏ် (MTB) မှ ခရီးသွားလုပ်ငန်းကဏ္ဍအတွက် ရန်ပုံငွေပေးအပ်ပံ့ပိုးခြင်းကို နေပြည်တော်တွင် ပြုလုပ်ခဲ့ပါသည်။ ယခုကဲ့သို့ ပံ့ပိုးမှုသည် ငွေကြေးအကူအညီတစ်ရပ်သာမက MTB ၏ “Profit With Purpose” ဟူသော ယုံကြည်ချက်အတိုင်း ဘဏ်၏တိုးတက်မှုမှတစ်ဆင့် မြန်မာ့ခရီးသွားကဏ္ဍအတွက် ပြန်လည်အကျိုးပြုခြင်း ဖြစ်ပါသည်။ MTB အနေဖြင့် ဘဏ်၏အမြတ်ငွေ (Profit) မှ ၅ ရာခိုင်နှုန်းကို ခရီးသွားကဏ္ဍ ဖွံ့ဖြိုးရေးအတွက် ဆက်လက်ပံ့ပိုးသွားမည့် Commitment ကို ချမှတ်ထားပြီး ယခုအစီအစဉ်သည် အဆိုပါရည်မှန်းချက်ကို လက်တွေ့အကောင်အထည်ဖော်သည့် ခြေလှမ်းတစ်ရပ် ဖြစ်ပါသည်။ 𝐂𝐫𝐞𝐚𝐭𝐞 𝐘𝐨𝐮𝐫 𝐖𝐨𝐫𝐥𝐝 𝐖𝐢𝐭𝐡 𝐌𝐓𝐁 သင့်အနာဂတ်ဖန်တီးဖို့ MTB နဲ့လက်တွဲစို့  

ဆက်လက်ဖတ်ရှု့ရန်

ရန်ကုန်၊ မြန်မာ – ၂၀၂၆ ခုနှစ်၊ ဇွန်လ ၅ ရက် – မြန်မာ့ခရီးသွားဘဏ် (MTB) သည် ထိုင်းနိုင်ငံရောက် မြန်မာနိုင်ငံသားများ မိမိတို့ ကြိုးစားရှာဖွေထားသော လစာငွေများကို ပြည်တွင်းရှိ မိသားစုများထံ ပိုမိုလွယ်ကူ၊ လုံခြုံပြီး စနစ်တကျ လွှဲပြောင်းပေးပို့နိုင်ရန်အတွက် TrueMoney Myanmar နှင့် ပူးပေါင်း၍ ပြည်ပငွေလွှဲဝန်ဆောင်မှုကို စတင်လိုက်ပြီဖြစ်ကြောင်း ဝမ်းမြောက်စွာ အသိပေးကြေညာအပ်ပါသည်။ ဤပူးပေါင်းဆောင်ရွက်မှုအရ ထိုင်းနိုင်ငံရှိ TrueMoney Wallet မှတစ်ဆင့် ပေးပို့လာသော ငွေလွှဲများကို မြန်မာနိုင်ငံတစ်ဝန်းရှိ MTB Bank ၏ မည်သည့်ဘဏ်ခွဲများတွင်မဆို လုံခြုံ၊ စိတ်ချ၊ မြန်ဆန်စွာဖြင့် စနစ်တကျ ထုတ်ယူနိုင်မည်ဖြစ်ပါသည်။ ငွေထုတ်ယူမည့် မိသားစုဝင်များအနေဖြင့် မိမိတို့၏ နိုင်ငံသားစိစစ်ရေးကတ် (NRC) မူရင်းနှင့်အတူ ငွေလွှဲပို့သူထံမှ ရရှိထားသော လျှို့ဝှက်ဂဏန်း (၈) လုံး (Password Code) ကို ပြသ၍ MTB ဘဏ်ခွဲများတွင် မြန်ဆန်လွယ်ကူ၊ အဆင်ပြေချောမွေ့စွာ ထုတ်ယူနိုင်မှာ ဖြစ်ပါသည်။ 𝐂𝐫𝐞𝐚𝐭𝐞 𝐘𝐨𝐮𝐫 𝐖𝐨𝐫𝐥𝐝 𝐖𝐢𝐭𝐡 𝐌𝐓𝐁 သင့်အနာဂတ်ဖန်တီးဖို့ MTB နဲ့လက်တွဲစို့

ဆက်လက်ဖတ်ရှု့ရန်

MTB Bank ၏ အမှုဆောင်ဒါရိုက်တာ (Executive Director) ဒေါ်သိင်္ဂီလင်း အတွက် “Top 50 Professional & Career Women Global Awards 2025” ဆုကို Women in Management မှ ချီးမြှင့်ခံရခြင်းအား MTB Bank အနေဖြင့် များစွာဂုဏ်ယူဝမ်းမြောက်မိပါသည်။ ဆောက်လုပ်ရေး၊ ဘဏ်လုပ်ငန်း၊ ခရီးသွားလုပ်ငန်း၊ နည်းပညာ အစရှိသည့် ကဏ္ဍမျိုးစုံတွင် (၁၈) နှစ်ကျော် ဦးဆောင်မှုအတွေ့အကြုံရှိသော ဒေါ်သိင်္ဂီလင်းသည် MTB Bank ၏ ဒစ်ဂျစ်တယ် အသွင်ကူးပြောင်းရေးနှင့် ဝန်ဆောင်မှုများ၌လည်း အဓိကအခန်းကဏ္ဍမှ ဦးဆောင်ဦးရွက်ပြုနေသူတစ်ဦးလည်း ဖြစ်ပါသည်။ 𝐂𝐫𝐞𝐚𝐭𝐞 𝐘𝐨𝐮𝐫 𝐖𝐨𝐫𝐥𝐝 𝐖𝐢𝐭𝐡 𝐌𝐓𝐁 သင့်အနာဂတ်ဖန်တီးဖို့ MTB နဲ့လက်တွဲစို့

ဆက်လက်ဖတ်ရှု့ရန်